一堂上了花球 另一堂上花束
因為之前學o佐年幾花藝 都冇按觸過花束設計
所以我滿心期待去上呢堂~!!
點知上到去 原來所謂花束都係變o佐插花 花泥包住花紙就當係禮物花束呢
其實團購網可以俾一個人買三張coupon
分別上花束 插花 同花球
我就係唔想學插花而只買兩張coupon...
本來知道係上插花堂 已經唔係好開心.....
不過算啦 照插lor
當然 之前學過 緊係會跟返以前學過o既技巧去插啦...
點知落堂時...個老師逐個逐個睇下盆花得唔得時
佢將我已插好的... 拆晒出黎再插過佢o既style.....
唉.... 我見到佢拆時 已經講明 我今次插呢個係單面睇 而唔係四面睇
但...佢冇聽....將d花拆晒出黎再插....
搞到舊花泥爛晒....
之前學花藝時 老師已經講明 當你發現插錯位時 唔好將花拆晒出黎
如果唔係會整爛花泥...
所以我真係好質疑 呢間學校所謂o既老師 究竟有冇讀過花藝課??
唉...我盤花 最後搞到 冇層次...個焦點花霸晒d位...遮住其他花...
之前 都有打算 o係舊學校讀完花藝証書課程後
再去呢間學校報名 專注讀花束同花球...
但經過今次後 真係沒有此打算了~
Yahoo ‧ Beauty life ‧ Z tyle ‧ Beauty Exchange ‧ she.com ‧F&B ‧ Facebook
沒有留言:
張貼留言