因為 不喜歡做搞事份子 唔想搞大件事 不想以呢d事作為宣傳等
不過今晚有件事 真係令我好睇唔過眼...要跟大家分享...
早前在BLOG見到有bloggers介紹在K11的Chocolat-ier 店時
留下不錯的印象
o岩o岩團購網groupxn更有團購優惠
【$28 / $50於Chocolat-ier享受100-200克BiteB! Gourmet朱古力及其他糖果 加送 $20現金券 (總值可高達 $220)！】
於是買o佐兩張 打算同男友分享~
因男友係朱古力迷 所以買一張應該唔夠~買夠兩張 兩張都係$50 即200克的朱古力
雖然未試過呢間的朱古力 不過都應該不會太失望...所以先會買多d呢
(平時團購 只夠膽買最少數量的 因為怕中伏)
團購劵今個月尾到期 於是數星期前 已經用o佐一張~
這兩杯就係上次換的200g朱古力~
上次的服務很好 所以特意影相 作為分享 介紹給各位之用~
上次當我到去K11的Chocolat-ier 店時
店員為我逐一介紹朱古力 亦給我試試味道
講真的 如果沒有試食 真係唔知選邊款好呢~!!
當我選定過後 店員幫我將選定的朱古力入杯及包裝妥當~
星期六晚 同男友再到Chocolat-ier 店時 今次的服務令我非常意外呢
一到場表示用團購劵換取200G朱古力時
店員提供杯同匙俾我地自己選擇
並說明因為之前有客人試過倒瀉晒D朱古力
如果遇上呢個情況 O個杯朱古力 會當作一杯朱古力收費
於是我同男友都小心翼翼咁將朱古力倒入杯內
不過因為男友未試過呢間的朱古力
所以 拎O佐粒試試味 店員見到 以不禮貌的語氣跟男友講 「呢度唔可以試食」
之前我就上前解釋 之前都可以GA WOR
店員之後再話「呢度唔俾客人試食ga 尤其團購客 如果我知道係邊個俾客試食 我會鬧返個職員 係邊個職員俾你試食?」
講真 我點會記得邊個呀
我諗大家都係 遇到衰服務先會記住staff個名o者
於是我咪話「唔知 我係兩星期前黎換o既 當時係俾o既」
之後就再無理會 職員 繼續擇朱古力
在選朱古力過程中 聽到店員們討論「係咪xx呀 俾客試食 」
中途 男友唔小心將朱古力由匙倒入杯時 跌o佐一粒o係地下
店員 見到 又o係度話我地....
我明白 係我地唔小心
不過如果大家有興趣幫襯的話
不妨睇睇佢係個包裝杯同匙 的比例 幾乎係1:2匙係大過杯幾乎兩倍的!!
經過今次事件後 我的確唔會再幫襯呢間朱古力店
1). 點解上次服務咁好 今次完全相反??? 完全沒有Standard的服務!!
下次如果再幫襯 我又會有咩對待???
2). 好唔明o個句「呢度唔俾客人試食ga 尤其團購客」
我完全覺得 我買o佐團購劵黎幫襯 受到歧視呀
之前一直換團購產品時 都冇受到「歧視」對待
【歧視是指對某個群體的成員給予與一般人不同的待遇(通常較差 ),原因與個人優劣無關,而純因該成員的某種屬性】
不過佢好彩 香港的歧視條例只包含種族、性 別、家庭崗位及殘疾
3). 我唔明點解佢要處罰一位為客人提供好服務o既員工
如果真係有「不可試食」規則的話
店員講明「我地呢度一直都冇試食ga 或者係上次o個位員工搞錯o佐」
之後 自己再同員工講明
咁樣 我會覺得舒服d law
而店員所講o既「如果我知道係邊個俾客試食 我會鬧返個職員 係邊個職員俾你試食」
我感覺完全反應LAW!!仲要o係我面前討論邊個咁做
試問咁樣 我會唔會咁衰仔 將一個好服務員工供出 俾你鬧呀??
一d management skill都冇
4). 呢一點好重要呀!!
因為我都有修讀過商業法律 所以特別會睇清楚coupon上每項細節先會買
費時 換來不愉快經歷
點知 今次真係老貓燒鬚....
coupon上 沒有講明團購所買o既朱古力有款式限制
在購買coupon的一頁更有個list 顯示朱古力款式
我係見到個LIST有咁多款選擇才購買團購劵的
而COUPON亦沒有列上任何換購朱古力之款式條款
Chocolat-ier 公司指在團購網上的list係想表示公司所提供的朱古力款式 而不過團購客人所可換購之款式 可協成misrepresntation 誤導misrepresentation is a false represntation of fact made orally or in writing, or by conduct. even a single word, a nod, a wink, a shake of the head, or omission to disclose some material facts may amount to a mispresentation.
呢個情況 因為Chocolat-ier 公司沒有在coupon條款上講明 團購客人只可選購某指定的朱古力款式 這足以協成 誤導(omission to disclose some material facts )
希望各位購買團購劵前 一定要考慮清楚
就算係價錢幾十蚊O既團購 你都唔想換來一個不愉快的經歷嗎??
我亦都上O佐寶貴o既一課
1). 從今 以後我會買一d 真係幫襯過 有口碑o既優惠
2). 原來business law真係好有用 真係唔好掉o佐本書
3). 終於明白到之前TAKE marketing management course時的concept呢
公司無論上(管理層 負責strategy的)、中(負責operation的)、下(前線員工)
必須目標一致 就算marketing department諗到今次團購優惠 希望可以吸引更多客人
但前線員工唔合作 都會倒米趕客
另外 front line staff 真係對公司好重要呢!!
現在深深明白到 固中原因了
Yahoo ‧ Beauty life ‧ Z tyle ‧ Beauty Exchange ‧ she.com ‧F&B ‧ Facebook
沒有留言:
張貼留言